GCSE English Language

Mae'r cwrs hwn yn eich paratoi ar gyfer cael eich asesu'n allanol yn y pwnc (CBAC). Bydd llawer o brifysgolion a chyflogwyr yn disgwyl i chi gael TGAU gradd C neu uwch mewn Saesneg Iaith. Os na chawsoch y cymhwyster hwn yn yr ysgol, bydd Grŵp Llandrillo Menai'n rhoi cyfle i chi wella'ch gradd er mwyn i chi allu mynd ymlaen i ddilyn rhaglen addysg bellach neu addysg uwch addas neu i swydd. Neu mae'n bosibl eich bod am astudio Saesneg am eich bod yn mwynhau dysgu ac wrth eich bodd gyda'r pwnc? Bydd croeso i chi ar ein cwrs! Mae’r cwrs yn cynnwys dysgu a meithrin gwahanol dechnegau ysgrifennu ac ysgrifennu ar gyfer gwahanol gynulleidfaoedd/i wahanol ddibenion. Mae siarad a gwrando hefyd yn rhan o'r asesiad. Gallwch astudio'r pwnc hwn ar ei ben ei hun neu ochr yn ochr â rhaglen arall. Ar rai campysau, dim ond rhai sy'n dymuno ailsefyll a gwella eu gradd all ddilyn y cwrs hwn. Rhoddir ystyriaeth i bawb sy'n gwneud cais, ond gorau oll os oes ganddynt TGAU gradd D neu uwch. Os nad yw'r ymgeisydd wedi sefyll yr arholiad o'r blaen, neu wedi'i sefyll ers talwm, fe'i gwahoddir i gyfweliad er mwyn sicrhau bod y cwrs yn addas iddo. Gallech ddewis un o'r nifer o wahanol gyrsiau sydd ar gael yn Grŵp Llandrillo Menai.