Higher National Certificate (HNC) in Performing Arts (Acting)

Mae’r rhaglen hon yn addas i fyfyrwyr sydd am ddilyn gyrfa ym maes actio. Mae'r cwrs yn flwyddyn o hyd ac yn rhoi sylfaen gref i fyfyrwyr o ran meithrin dulliau actio, technegau perfformio, disgyblaeth annibynnol ac ymarfer proffesiynol. Y bwriad yw datblygu actorion amryddawn. Mae'r cwrs yn cynnig nifer o fodiwlau craidd sy'n ymwneud â datblygiad proffesiynol ac sy'n arbenigo ar feysydd megis Testunau Clasurol, Technegau Clyweliad, Actio i'r Camera, Llais a Symudiadau. Gofynion Academaidd ⁠Bydd gofyn i ymgeiswyr ddod i gyfweliad anffurfiol a chlyweliad byr. Gydag unrhyw gymhwyster sy'n ymwneud â pherfformio, gellir rhoi ystyriaeth hefyd i brofiad perthnasol yn y diwydiant. Gofynion Ieithyddol Mae pob lle'n amodol ar gyfweliad boddhaol. Bydd y cwrs yn cael ei gyflwyno gan arbenigwyr ar Actio, Symudiadau a Llais. Bydd gan y rhain brofiad o weithio yn y diwydiant a gwybodaeth o'r pwnc sy'n adlewyrchu datblygiadau a newidiadau yn y maes perfformio cyfoes. Byddwch yn astudio am oddeutu 18 awr yr wythnos mewn gweithdai a arweinir gan diwtoriaid, darlithoedd, seminarau ac ymarferion, yn ogystal ag astudio'n annibynnol. Mae'r niferoedd mewn grwpiau'n aml yn is nag mewn prifysgolion, felly gall aelodau staff roi sylw unigol i chi. Mae gennym gysylltiadau cryf â'r diwydiant creadigol a all ddarparu gweithdai a chynnig cyfleoedd i'n dysgwyr. Bydd cyfleoedd hefyd i fynd i weld cynyrchiadau byw yn y Theatr. Bydd y dulliau asesu'n gysylltiedig â safonau'r diwydiant ac yn cynnwys perfformiadau a adolygir, dyddiaduron adfyfyriol, llyfrau gwaith, gwaith cwrs a chyflwyniadau. Bydd y cwrs yn rhoi sylfaen gref i chi ym maes Actio ac yn eich paratoi ar gyfer un ai clyweliadau i golegau drama achrededig neu astudiaethau lefel gradd mewn prifysgol, neu i symud ymlaen i brentisiaeth neu swydd yn y diwydiant.